බඳු සහනය

පසුගිය දවස් වල බොහෝදෙනාගේ කතා බහට ලක් වුන මාතෘකාවක්නේ මේ ටැක්ස් අඩු උනු කතාව..

ඒ සමගම ඊයේ පුවත් පතක මම දැක්කා එම බඳු සහනය ලබා දුන් විගස වාහන 400ක් වරායට ලැබිඇති බව,එ නිසාමේ වාහන ගෙන්වු අය මෙම බදු සහනය පිලිබඳ කලින් දැන සිටියදෝ සැකයකුත් ඇති වෙනවා..

කෙසේ වෙතත් බඳු සහනයක් ලබා දුන්නා යැයි රජය පැවසුවත් බොහෝ අංග වල Custom Duty නම් වැඩි වෙලා තියන පාටක් තමයි පේන්නේ.යට තියන ලින්ක් 1ට ගිහින් ඒ සාරංශයත් පොඩ්ඩක් බැලුවොත් නම් ඔයාලට හොද අදහසක් ගන්න පුලුවන් වෙයි බඳු සහනය පිලිබඳ..

සාරංශය බලන්න මෙතන කොටන්නකෝ.

එකෙන්ම.කොම්

කාලෙකට පස්සේ බ්ලොග් එකට ආවෙ..එක එක වැඩ නිසා මේ වැඩේ අමතකත් උනා.. මාස 2 කින් විතර පොස්ට් එකක් නොදාපු නිසා කම්මැලිත් වගේ..ඒක හින්දා කම්මැලි කම නැති වෙන්නත් එක්ක පොඩි පොස්ට් එකක් දාල යන්න මේ පැත්තේ ආවා.

අද උදේ නැගිටල නෙට් එකට ආව ගමන් අපෙ කණි මල්ලි ලින්ක් එකක් එවුවා.බැලින්නම් එකෙන්ම.කොම්.


අද තමයි සයිට් එක පටන් ගත්තෙ.ඔයාලටත් පුලුවන් එකෙන්ම.කොම් සමඟ එකතු වෙලා තව යහලුවන් හදුනාගන්න,අලුත් තොරතුරු බෙදා ගන්න,දැනුම සතුට විනොදාස්වාදය සමඟින්...

වෙන ඉතින් කියන්න දෙයක් නැ.. උඩ තියන පින්තුරේ ක්ලික් කරල සයිට් එකට ගිහින් ම බලන්නකො කොහොමද කියලා..

අහ්,අමතක උනා..
කණි මල්ලිගෙ පණිවිඩයකුත් තියනවා.. එකත් කියවලම යන්න....

චින දුරකතන..

ඉතින් චීන ජංගම දුරකථන පිළිබඳ තමයි අද මාතෘකාව උනේ මගේ..එකට හේතුව තමා ඉතින් මට ටික දවසකට පාවිචිචි කරන්න මේ රටේ හදපු දුරකතනයක් මට හම්බවුන එක. :D

බයවෙන්න එපා..මේ වගේ එකක් නෙමේ මට හම්බුනේ.. ;)

පාවිච්චි කරපු ටික දවසට නම් අවුලක් තේරුනෙ නැ..එත් කැමරා කොලිටිය එහෙම නම් කියල වැඩක් නැ...ගන්න දෙයක් නැ. :D
හැබැයි එකටත් එක්ක සවුන්ඩ්ස් නම්...පොකට් රේඩියො එකක් දාල වගේ..ඩිස්ප්ලේ එකත් එච්චරම නම් අවුලක් නැ. මේ දුරකතන ලංකාවෙ ප්‍රසිද්ද ඉතින් ටී.වී. ෆෝන් කියලනේ.. බෝඩිම් ජිවිත ගත කරන අයට නම් මෙවැනි දුරකතනයක් භාවිතය ගොඩක් ප්‍රයොජනවත්.
කොහොම උනත් ලොකු ආකල්පයක් තියනවනෙ චින රටේ දුරකතන හරි නැ කියලා..එත් ඉතින් දැන් Made By නොකියා කියලා එන දුරකතනත් චිනෙලුනෙ හදන්නෙ..

චින දුරකතනෙ හිතට ඇල්ලුවත් නොකියා , සොනි එරික්සන් වගේ නම් හිතට ඇල්ලුවෙ නැ..මන් හිතනවා පරිස්සමින් පාවිච්චි කලොත් වැඩි කලක් පාවිච්චි කරන්න පුලූවන් වෙයි කියලා..චින දුරකතන ගැන කතා කලාම නම් ඉතින් අමතක කරන්න බැරි නගරයකුත් තියනවනෙ,නේද?චිනෙ වත් තියනවද දන්නෙ නැ එච්චර දුරකතන කඩ සහ දුරකතන. :D

දුරකතන ගැන කතාකරනකොටනේ මතක් උනේ..දැන් ටිගෝ , එටිසලාට් වෙලා.. අරාබි සමාගමක් ලුනෙ දැන් පාලනය කරනව කියන්නෙ. කොහොමින් කොහොම හරි සෙල්ටෙල් ටිගො උනා,ටිගො එටිසලාට් උනා..ඉදිරියට මොනව වෙයිද මන්ද,අයියල ටික දැන් නගරයක් නගරයක් ගානෙ බෝඩ් එහෙම ගහල ප්‍රචාරක කටයුතු පටන් අරන්.මෙයාල 3G එහෙමත් දෙනවයි කියන්නේ..
කවුරු කොහොම කිවුවත් මොබිටෙල් තමා බෙස්ට්..

චිනෙන් පටන් අරන් සැහෙන රවුමක් ආවා වගේ.. :D

චින දුරකතන ගැන මොනව හරි වැඩි යමක් තියනව නම් (මෘදුකාංග එහෙම) එ අදහස් මාත් එක්ක බෙදා ගන්න,හොදේ?....

ශ්‍රි ලංකාවේ රියදුරු පුහුණු පාසල් වල ඇති අඩුපාඩුවක්..

ඔන්න ඉතින් ගොඩක් කාලෙකට පස්සෙ ආයෙත් බ්ලොග්1 පැත්තේ ආවා මම.අද නම් ආවේ මම, ශ්‍රි ලංකාවේ රියදුරු පුහුණු පාසල් වල ඇති පොඩි අඩුපාඩුවක් ගැන මගෙ අදහසක් කියන්න..කොයිතරම් දුරට මම නිවැරදිද කියන්න බැ.ඔයාලත් හිතලා බලන්නකො මේ ගැන....

සිද්දිය උනේ නම් අපේ නිවසට ඉතා ආසන්න මාර්ගයක.අවුරුදු 30ක පමණ වයස කෙනෙක් පාර අයිනේ නවත්තලා තිබුන අලුත් කාර් එකක් ලඟ ඉදන් පාරේ යන වාහන වලට අත දානවා.මම මගෙ රෝද 3න් ටවුමට ගිහින් එනකොට මටත් අත දැම්මා.මං හිතුවෙ ඉතින් හයර් 1ක් වත් වෙන්න ඇති කියලා. :)
නවත්තනකොටම අර මනුස්සයා දුවගෙන ඇවිත් "මල්ලි මගෙ කාර් එකේ හීට් එක වැඩි වෙලා වගේ,ඩැශ් බෝඩ් එකේ ඉන්ඩිකේට් කරනවා,පොඩි හෙල්ප්1ක් දෙනවද? " කියල අහුවා.බැ කියන්නත් බැනෙ,මාත් ඉතින් බැහැල බැලුවා.පස්සේ තමා දැක්කේ කාර්1 අතුලේ අක්කා කෙනෙකුත් හිටියා කියල :D

මම එතනට යනකම් එයාලා කාර් එකේ බොනට් එක වත් ඇරලා නැ.පස්සෙ මම බොනට් එක ඇරල රෙදි කෑල්ලකුයි වතුර බෝතලේකුයි එයාලගෙන් ඉල්ලගෙන රේඩියේටර් කප් එක ගලවලා වතුර දැම්මා.එ අතරෙ මේ මිනිහා අහනවා "මල්ලි, මේ පාර්ට් එකටද රේඩියේටර් එක කියන්නේ" කියල.මට හිනා ගියා,මේ මනුස්සයා මෙච්චර වාහනයක් පාවිච්චි කරලත් එක දන්නේ නැනෙ කියලා..
පස්සේ ඒ මනුස්සයම කියනවා "ලර්නර්ස් ගියාට ඉතින් ඩ්‍රයිව් කරන්න විතරයිනෙ මල්ලි කියාදෙන්නේ.." කියලා.
පස්සේ තමා දැනගත්තේ එ මනුස්සයා තුල්හිරිය ප්‍රදේශයේ ප්‍රධාන ඇඟලුම් ආයතනයක මැනේජර් කෙනෙක් කියලා. :)
යන ගමන් ටිකක් අවදානෙන් යන්න කියලා මම එතනින් මාරු උනා.

ඔන්න ඕකයි සිද්දිය... :D

පස්සේ තමා මටත් හිතුනෙ ලර්නර්ස් වල ඩ්‍රයිව් කිරිමට අමතරව වාහනයේ අභ‍යන්තර ක්‍රියකාරිත්වය, කොටස් පිළිබඳ ප්‍රායෝගික දැනුමකුත් එක්කලානම් මේ වගේ හදිසි අවස්ථා වල එය රියදුරන්ට ඉතාමත් ප්‍රයෝජනවත් වෙයි කියලා...

මම කොයිතරම් දුරට හරිද වැරදිද කිම ඔබේ යුතුකමක්.. :)

ස්තුතියක් කරන්නත් තියනවා..

එඩෙක්ස් සමඟ ජාවා ශ්‍රි ලංකා ප්‍රදර්ශණයත් සාර්ථකව අවසන් උනා.නොසිතු පිරිසක් බලන්න ඇවිත් තිබුනා.ආපු අයට ජාවා තාක්ෂණය පිලිබද පොඩි අදහසක් හරි ලැබුනා නම් එය අපට මහත් සතුටක්.

කෙසේ හෝ පැමිණි හැමෝටම ගොඩක් ස්තුතියි...!

ජාවා ශ්‍රී ලංකා - 2010 ප්‍රදර්ශනය

අද මම බ්ලොග් එකට ආවේ මගෙ යාළුවන්ට වැදගත් දැනුම් දිමක් කරන්නයි..
(ඡන්ඳ දැන්විමක් නම් නෙමෙයි හොදේ...)

වසර දෙකක් තිස්සේ සාර්ථකව පවත්වාගෙන එන ජාවා ශ්‍රී ලංකා ප්‍රදර්ශනය තුන් වන වරටත් ජනවාරි 15,16,17 යන දින 3 තුල කොළඹ බණ්ඩාරනායක සම්මණ්ත්‍රණ ශාලාවේදි පැවැත්වෙනවා.

ඊට අමතරව ජනවරි 19,20 යන දින 2 තුල මහනුවර kandy city center හි දිත් පැවැත්වෙනවා..

මෙවර ජාවා ශ්‍රී ලංකා ප්‍රදර්ශනය පවත්වන්නේ EDEX ප්‍රදර්ශනයත් සමගයි.ඒ හින්දා එන අයට ප්‍රදර්ශන දෙකම දැක බලාගෙන "යාපනෙත් ගිහින් තලගොයිත් මරාගෙන" යන්න පුලුවන්...

ඔන්න මම හැමෝටම ආරාධනා කලා.. කොහොම හරි එන්න, ඇවිත් බලන්න අපේ ප්‍රදර්ශනය.., අපේ වැඩ කොහොමද කියලා.....ඔයාලට ගොඩක් දේවල් දැනගන්න පුලූවන් වෙයි ඇවිත් සම්පුර්ණවම ප්‍රදර්ශණය නැරඹුවොත්..

මෙන්න ඔයාලගෙ ආරාධනා පත්‍රය......

ඒවගේම මම ආරාධනා කරනවා ව්‍යාපාරික ප්‍රජාවටත්.. එන්න ඇවිත් බලන්න..ඔයාලට කැමති නම් ඔයාලගෙ ආයතන වලට අවශ්‍ය මෘදුකාංග මිලදි ගන්නත් පුලුවන්.අවශ්‍ය නම් ඔයලට ඕනැකරන විදිහට මෘදුකාංග වෙනස් කරල දෙන්න්ත් අපෙ අයට පුලුවන්..

මේ තියෙන්නෙ ඔයලගෙ ආරාධනා පත්‍රය..

ප්‍රදර්ශණයේ අන්තර්ගතය තුල මෘදුකංග වර්ග 45 කට ආසන්නවත් මෘදුකාංග 100කට ආසන්න ප්‍රමාණයක් ප්‍රදර්ශනය කිරිමට අපේ අය අදහස් කරගෙන ඉන්නවා..ප්‍රදර්ශනයේ මුලික වි ක්‍රියාකරන්නේ I.J.T.S. ආයතනයේ PCJT හදාරන සිසුන් සමුහයයි..එම නිසා ඒ පිලිබඳව මටත් නිහතමානි ආඩම්බරයක් ඇතිවෙනවා..

ජාවා ගැන කෙටි හැදින්විමක් කළොත් ජාවා කියන්නෙ දැනට ලෝකයේ තියන දියුණුම,අංක එකේ පරිගණක භාෂාව කියල කිවුවොත් මම නිවැරදි..ජාවා පරිගණක භාෂාව වඩාත් ජනප්‍රිය වෙන්න හේතු කිපයක් තියනවා.
ඕනැම මෙහෙයුම් පද්වතියක් සමඟ ජාවා පරිගණක භාෂාව මගින් සාදන මෘදුකාංග භාවිතා කරන්න පුලුවන් විම, ඕනැම කෙනෙකුට ජාවා පරිගණක භාෂාව නොමිලේ භාවිතා කිරිමට පුලුවන් විම ප්‍රධානයි. ජාවා පරිගණක භාෂාව නොමිලේ භාවිතා කිරිමට පුලුවන් විම ශ්‍රි ලංකාව වැනි රට වලට විශාල වාසියක්..

ජාවා පරිගණක භාෂාව 3rd Genaration Computer Language එකක්..
මම හිතනවා කට්ටියට ජාවා පරිගණක භාෂාව ගැන පොඩි අදහසක් හරි එන්න ඇති කියලා...

මෙම ප්‍රදර්ශනය පිලිබඳ විශේෂයෙන් ස්තුතිවන්ත වෙන්න ඕනෙ I.J.T.S. ආයතනයේ නිර්මාතෘ ඉශාන්ත සර්ට, ප්‍රධාන කළමනාකාරණිය වන අසංකා මිස් ටත්, අනෙකුත් ආයතනයේ ගුරුවරුන්ටත් විශාල පිරිවැයක් දරමින් අප හට මෙවැනි අවස්ථා උදා කරදීම පිලිබඳව...

ඔයාලට වෙලාවක් ලැබුනොත් එන්න,ඇවිත් නරඹන්න අපේ ප්‍රදර්ශනය...ස්තුතියි....!!

ආරම්භය..

ආයුබෝවන් ‍යාළුවනේ....

ඔන්න ඉතින් හැමෝටම ලැබුවා වු නව වසර සුභ ම සුභ අලුත් අවුරුද්දක් වේවා කියලා ප්‍රාර්ථනා කරනවා..!!

ඔන්න ඉතින් මාත් අලුත් අවුරුද්දේ අලුත් වැඩක් පටන් ගත්ත...බ්ලොග් කෙරුවාව නම් ඉතින් අලුත් වැඩක් නෙමෙයිනෙ මට..ඒත් සිංහල බ්ලොග් ගැන කතා කරන කොට එක අලුත් දෙයක් මට..

මේක මගෙ හිතේ ගොඩක් කල් ඉදන් තිබුන දෙයක්..අපේ කණියා (කණිෂ්ක අයියා) ගෙ බ්ලොග් එක දැක්ක දවසෙ තමයි මටත් හිතුනෙ සිංහල බ්ලොග් එකක් කරන්න ඕනෙ කියල...ඔන්න කණි අද තමා වැඩේ පටන් ගත්තේ. :D

මම බලාපොරොත්තු වෙනවා මගෙ යලුවො ටික මගෙ සිංහල බ්ලොග් එක වටාත් එකතු වෙලා ඉදි කියලා..
කෙසේ වෙතත් සිංහල බ්ලොග් එකක් පටන් ගන්න මට ගොඩක් උදවු කරපු අය කිප දෙනෙක් ඉන්නවා.එයලව අමතක කරන එක හොඳ නැ..

ගයාන් කණිෂ්ක අයියායි, ප්‍රභාත් දර්ශන සහෝදරයයි, යොහාන් කණිෂ්ක මල්ලි.. තමයි ඉතින් ගොඩක් සහයෝගය දුන්නේ..
තුන්දෙනාටම ගොඩාක් ස්තුති......

එහෙනම් ඉතින් අනාගතේදි රසවත් ලිපි පෙලකින් ඔබව හමු විමේ බලාපොරොත්තුවෙන් දැනට මම නවතිනවා...

හැමෝටම සුභ අනාගතයක් වේවා....!!!